Пасля перамогі ў раённым туры конкурсу “Галасы гісторыі” каманда дзяржаўнай установы адукацыі “Вучэбна-педагагічны комплекс Крэўскі яслі-сад-сярэдняя школа” пачала работу па падрыхтоўцы для ўдзелу ў абласным туры конкурсу. На падрыхтоўку было 10 дзён, яны былі насычанымі, змястоўнымі, напружанымі.
Конкурс складаўся з трох частак: першая частка – віктарына “Гродзеншчына ў 1801-1917 гг.”, другая частка – конкурс “Дарогамі першай сусветнай”, трэцяя – “Гістарычная сядзіба” . На конкурсе нашы вучні ўзбагаціліся новымі ведамі, знайшлі новых сяброў, абмяняліся кантактамі з мэтай наведвання музеяў іншых устаноў адукацыі.
У выніку напружанай барацьбы каманда нашай установы пад кіраўніцтвам Міхалькевіча М.А., настаўніка гісторыі, заняла ІІІ месца. Віншуем з перамогай!
